Sirkusinn!

Jóhann prins vill að sjálfsögðu hafa undirtökin og ræna byggðir landsins, sem hafa úr einhverju að moða, lifibrauðinu og færa það 101 kaffihúsaklíkunni. Í hennar farteski er m.a. sú medalía að koma til með að eyða í kringum 70 milljörðum í bætur handa fólki sem vantar vinnu, við hæfi. Þó svo að þessi tala sé með þessu ári innanborðs, þá sér ekki fyrir endan á hamingjunni á kaffihúsunum.

Að setja síðan sirkusinn upp þannig að ljótu sægreifarnir séu þjóðfélagslega vondu mennirnir og með það í farteskinu að hamra nógu lengi á falsaðri staðreynd til að hún verði viðurkennd, í þágu þjóðar og réttlætis, þá skuli leggja þær byggðir, sem eftir eru utan kyrkingarólarinnar (kraginn öðru nafni), í kistuna og grafa langt, langt niður. Eflaust er þetta eitt af þeim plottum til þess að draga upp, svo lítið beri á, leikjafræði allra styrjalda; benda á sameiginlegan óvin og beina sjónum sem flests fólks frá raunveruleikanum, sem er ekki frekar dapur, heldur án undankomu eins og staðan er.

Sjávarútvegur á Íslandi hefur aldrei átt Ísland, svo að því sé til haga haldið. Ég man ekki til þess að hafa séð það skrifað og bundið. Síðasta aldarfjórðunginn eða svo hefur þessi atvinnuvegur fengið að vera aðalatriði, síðan aukaatriði og nú allt í einu er hann aftur aðalatriði. Ekki er hann núna í þjóðhagslegum skilningi aðalatriðið heldur í réttlætanlegum (hvernig sem hægt er að búa það hugtak til). "Vegferðin" vill eðlilega stinga undir stól, þeirri staðreynd að það geta ekki margir veitt sama fiskinn, slægt hann og flakað.

Þessi atvinnugrein, sem stóð undir á annan tug þúsunda starfa fyrir um 30 árum, getur aldrei staðið undir sama starfsmannafjölda, þegar búið er að skerða aflaheimildir um rúmlega helming í botnfiski. Það er öruggt. Síðustu 15-20 árin eða svo hafa fjölmiðlar, pólitíkusar og menntakerfið svo eitthvað sé tekið haldið því statt og stöðugt fram að það sé skítavinna "að vera í fiski". Og nú eru skilaboðin: Komið ykkur í burt! Við ætlum að eiga þetta, með hurðum og körmum... Þið gerið bara eitthvað annað...Hvernig ætlast hin sama ríkisstjórn til þess að það verði til fleiri störf í sjávarútvegi með slíkum skilaboðum. Hvaðan á það fólk að koma? Kaffihúsaliðið getur bara barið í búsáhöld, sett upp leikrit og sirkus. Það þarf jafnframt hvíld þess á milli til að geta skrifað um ljótu kallana, einn hér og annar þar. Vonlaust til hefðbundinnar vinnu...

Ekki er ríkisstjórnin að gera neitt í þessum málum til batnaðar. "Ögurstund í sjávarútvegsmálum", það er eins og atvinnugreinin sé á vonarvöl og komi brátt í buxnabrot ríkisstjórnarinnar. 80 manna starfsstétt er att í verkfall vegna hvers? Jú kannski til að vera fórnarpeð þeirrar orrustu sem er að hefjast. Það er í það minnsta ekki vilji stjórnvalda að koma að kjarasamningum þannig að ekki upp úr sjóði. Það er nokkuð ljóst, því það hentar ekki sirkusnum og skúespilinu sem búið er að skrifa í handritið.

 

 

Ögurstund í sjávarútvegsmálum

Er Guð undanskilinn?

Hvernig í fáránleikanum getur ærulaus maðurinn reynt að klína þessari vitleysu, sem hann sjálfur sá um, á sveitarfélögin í landinu? Nú er búið að snúa; atvinnurekendum, stéttarfélögum, almenningi og nú er reynt að koma sveitarfélögum inn í alsherjarbull ríkisstjórnarinnar. Það er lítið annað eftir en að biðja = krefja, kirkjuna um að bjóðast til að koma Guði sjálfum inn í hringavitleysuna.

Það er réttast fyrir hann að líta sér nær og byðjast hjálpar.

Allir þurfa að axla ábyrgð

Ef það hefur ekki hækkað þá er best að hækka það!!

Þetta er eins og allt annað hjá Jóhanni prins og fógetanum hans. Ef það kostar lítið (að þeirra mati) þá er alveg hægt að hækka gjaldið aðeins. Bara 40%...

Á meðan á þessu gengur þá er Jóhann prins í því að láta semja plagg sem látið er heita 20-20, sem inniheldur meðal annars fallegan texta um hvernig þjóðin og þjóðfélagsleg gerð hennar kemur til með að líta út eftir nokkur ár. Þar er meðal annars minnst á nýsköpun, en flest allt mögulegt og ómögulegt er tínt þar inn, en miðað við grunninn sem þetta plagg á að byggja á er nær að kalla það 20-20=0 því það er ekki minnst mikið á það hvernig leysa á -8% hagvöxt, hvaða skref verða tekin til að leysa neikvæðan hagvöxt. Hvernig byggt verður upp.

Það verður ekki gert með fleiri opinberum stofnunum, annari gjaldtöku umfram skatta og flóknara skattkerfi.

Það er minnst á í þessu plaggi að lækka GINI stuðul í 25. Reikna með að það náist með því að þeir sem eru hæstir í tekjum fari og borgi sína skatta annarstaðar. Þá lækkar stuðullinn.

Gjald fyrir einkaleyfi hækkar um 40%

Víxilverkanir

Það væri nær að afnema víxlverkun skatta og skulda. Það myndi eyða annari hliðinni í þessari jöfnu á milli bóta og tekna.

Afnema víxlverkun bóta og tekna

Lélegasta þáttaka í kosningum fyrr og síðar?

Dræm þáttaka hvað. Nær væri að kalla þennan rassskell hörmulega útreið frekar en eitthvað dræmt. Verst að það þurfi ekki meirihluta atkvæðabærra manna til þess að kosningin teljist gild. Fáránleiki þeirrar umgjörðar og lagasetninga í kringum þessar kosningar setja mann hljóðann.

Að það verði hagrætt úrslitum kosninganna þannig að 40% af þeim sem sitja þingið skuli vera konur? Er ekki mesti réttur einstaklinga þessa lands að kjósa og að þeirra atkvæði verði sett í pottinn eins og þeim var skilað? Hvaða atkvæði verður ógilt til þess að 40% reglan verði uppfyllt??

Þvílíkt rugl.

Kosningaþátttaka líklega um 40%

Fréttamenn eru...

Hvernig væri að bera saman epil og epli? Innanlandsflug 2007 var frá hvaða stað, og til hvaða? Þessi frétt er ekkert annað en útdráttur úr ferðadagbókum flugfélaganna

Hvernig væri að í fyrsta lagi að lesa skýrsluna og spyrja út í það sem þar stendur? Margt þarna gæti mögulega verið frétta efni, ef það er lesið með skilningi...

Utanlandsferðir aftur inn

Endalausa sagan!!

Hvernig væri að fara eftir stjórnaskránni eins og hún er? Mér finnst þetta "dæmi" dæmalaust. Til hvers að finna upp hjólið "aftur" þegar það sem er undir hefur ekki einu sinni rúllað einn hring?

Hér er einfaldlega verið að slá ryki í augu fólks...

Stjórnarskrá fyrir fólkið

Er þetta virkilega svona?

Eftir að ég las greinina í mogganum eftir Sigurjón Þórðarsson, þá hef ég mínar efasemdir um að sagt sé kórrétt frá.

Eftir þá grein finnst mér við hæfi að spurt sé um þá hluti sem þar koma fram og fá á hreint hvaða tölur verið er að bera á torg.

Starfsmönnum fækkaði um 627

"Engisprettufaraldurinn" tekur sinn toll

Það er búið að vera mikið af smárækju í makrílmögum nú seinnipart sumars. Það minnkar sem af er tekið, segir máltækið.

Úthafsrækjustofninn enn lítill

Jón og Séra Jón

Það er hálf skrýtið, þó ekki sé fastar að orði kveðið, að hægt sé að taka búsvæði af fiskistofni sem búinn er að hafa fyrir lífinu í þúsundir ára án þess að svo mikið sem túllinn opnist á fiskiverndarfólki. Á meðan er þetta sama fólk gapandi yfir laxeldi og þorskeldi í hundruð kílómetra fjarlægð frá "frægum" laxveiðiám.

Finnst full ástæða fyrir þessa "verndunarsinna" að skoða þetta mál og þá ekki síður sinn eiginn rann, svona í leiðinni.

Nýr laxastigi í Selá