Endalausa sagan!!

Hvernig væri að fara eftir stjórnaskránni eins og hún er? Mér finnst þetta "dæmi" dæmalaust. Til hvers að finna upp hjólið "aftur" þegar það sem er undir hefur ekki einu sinni rúllað einn hring?

Hér er einfaldlega verið að slá ryki í augu fólks...

Stjórnarskrá fyrir fólkið

Athugasemdir

[Kristján Hilmarsson, 7.11.2010 kl. 18:50]

 Kannski Sindri ! kannski ekki ? erfitt að segja til um það fyrr en nokkuð vatn hefur runnið til sjávar og reynsla komin á, það er án efa eitt og annað í gömlu stjórnarskránni, sem hefur staðið í vegi fyrir betrunum, en svo getur þetta bara verið enn eitt "snuðið" upp í lýðinn til kaupa stjórninni frið.

Hef velt þessu og ýmsu öðru álíka fyrir mér sbr. HÉR 

MBKV að utan en með hugann heima

KH

[H.T. Bjarnason (IP-tala skráð) 7.11.2010 kl. 20:41]

Mér finnst löngu tímabært að íslenska þjóðin semji sína eigin stjórnarskrá sem hæfir íslensku samfélagi á 21. öldinni.  Stjórnarskráin sem nú er í gildi var ljómandi fín löggjöf á seinni hluta 19. aldar og þjónaði vel ríki sem var undir stjórn annars ríkis.  Hins vegar eru tímarnir breyttir.  Mig langar að horfa fram á veginn ... ásamt mínu samferðafólki sem byggir þetta land.

[Björn Leifur Þórisson, 7.11.2010 kl. 21:08]

Með fullri virðingu þá held ég að þú hafir ekki kynnt þér nægilega vel hvernig þessi fundur fór fram. Ég sat fundinn (var valinn í slembiúrtakinu) og hann var miklu betur skipulagðari heldur en ég átti von á. Alls konar fólk á öllum aldri kom skoðunum sínum allt á framfæri og sem betur fer var mjög einróma niðurstaða í veigamiklum málum s.s. skarpari skil á skiptingu valds (ráðherrar ekki þingmenn), aukningu beins lýðræðis (persónukjör þar sem fólk getur raðað á listana í kosningum) og fækkun þingmanna. 1000 manns eru miklu meira en marktækt úrtak og endurspegla þar með vilja þjóðarinnar.