Af-færa-sæll

Er þetta orðskrípi eða íslenska? Ég hefði einfaldlega skrifað að það væri FARSÆLLA að skoða en að sleppa því. Þetta hljómar eins og einhver sé sæll með að draga færin af.

Affarasælla að heimsækja sambærilegar borgir

Arsen og Arsenik

Þetta fer nú að hljóma alveg eins og dioxin málið sem tröllreið flestu á tímabili. Tilfellið er að arsen er til í tvennskonar formi, lífrænt og ólífrænt. Þetta vill allt of oft ruglast saman og þar eru lærðir og leikmenn í sama flokki og ég ekki undanskilinn. Það arsen sem við viljum ekki innbyrða er ólífrænt, hitt innbyrðum við hvort eð er og höfum ekkert val.

Það er árátta þeirra sem um þessi mál fjalla að birta alls ekki tölugildi rannsókna, líkt og í þessu hrísgrjóna-, og tala nú ekki um dioxindæminu fyrir vestan og skilja allt samfélagið eftir í lausu lofti. Hvaða tilgangi þjónar svona matreiðsla? Upplýst umræða fer ekki fram á þennan máta og gerir ekkert annað en að opna fyrir rangan fréttaflutning og rangar, eða frekar, vitlausar ályktanir og skaða að ósekju.

Birtið magn lífræns arsens og ólífræns og síðan má ræða þessa hluti á réttu plani.

Auðvitað innihalda hrískökur og þurrkaður matur meira arsen miðað við vigt, vatnið er jú farið og fasta efnið eftir.

 

 

Uppfærir ráðleggingar um arsen

Gott vont

Það eru tvær hliðar á tvíeyringinum + röndin. Sé ekki betur en að röndin hafi komið upp hjá mér núna því að tvískinnungshátturinn er hér í algleymi.

Á þessu svæði er fyrir urriðastofn sem ég veit ekki til að njóti vafans. Svæðið hlýtur að hafa verið rannsakað samt sem áður en þær niðurstöður hafa ekki verið bornar á torg, að mér vitandi.

Ég kalla því eftir þeim hér og nú, til að þurfa ekki að horfa á röndina endalaust.

Nýr laxastigi í Selá skilar árangri

Ris eða hnig?

Fróðegt að vita hvort landið er á upp eða niðurleið. Eðlilegt að það sé á niðurleið eftir gosið í Eyjafjallalökli, en ef það er á uppleið??

Miðað við tæknina í dag þá er hægt að mæla millimeters breytingu án vandræða.

Skil það svo sem að það sé ekki verið að básúna eitthvað sem er gæti orðið eftir einhverja mánuði, ár eða jafnvel tuga ára.

Breytir því ekki að skjálftagröfin eru aðgengileg fyrir almenning og því eðlilegra að þeir sem vita meira upplýsi hann, í stað þess að "Pétur og Páll" séu að geta í eyðurnar.

 

 

Smáskjálftahrina í kvöld

"Engisprettufaraldurinn" tekur sinn toll

Það er búið að vera mikið af smárækju í makrílmögum nú seinnipart sumars. Það minnkar sem af er tekið, segir máltækið.

Úthafsrækjustofninn enn lítill

Jón og Séra Jón

Það er hálf skrýtið, þó ekki sé fastar að orði kveðið, að hægt sé að taka búsvæði af fiskistofni sem búinn er að hafa fyrir lífinu í þúsundir ára án þess að svo mikið sem túllinn opnist á fiskiverndarfólki. Á meðan er þetta sama fólk gapandi yfir laxeldi og þorskeldi í hundruð kílómetra fjarlægð frá "frægum" laxveiðiám.

Finnst full ástæða fyrir þessa "verndunarsinna" að skoða þetta mál og þá ekki síður sinn eiginn rann, svona í leiðinni.

Nýr laxastigi í Selá

Allt of miklar ágiskanir

Furðulegt að það skuli ekki vera hægt að taka vefjasýni úr þorski við Grænland, Færeyjar, Svalbarða, Barentshafi og bera það saman við þann sem veiddur er hér við land, með DNA prófi, þannig að það sé einfaldlega hægt að eyða þessum getgátum og ágreiningsefnum.

Ég er farinn að velta því fyrir mér hvort fiskifræðingar vilji ekki vita meira! Að aukin þekking opni á óþægilega umræðu, sem þeir og stjórnvöld hafi og geti ekki haft stjórn á.

Það er fáránlegt ef svo er. En eftir að merktur skötuselur, af öðru hafsvæði, fannst hér við land fyrir nokkrum árum, þá er erfitt að halda því fram að þorskurinn ferðist lítið um þessi sömu hafsvæði.

Afla upplýsinga um Grænlandsgöngur

Ég get upplýst þig Anna mín

Þessar Andarnefjur eru að éta síldarungviðið, ásamt einvherju fleiru. Svo einfallt er það. Lagði það til síðast þegar þær sáust að nýta þær til matar. Síðan þá hefur mikið breyst og miðað við fréttir frá hjálparsamtökum þá ætti að drífa í því að koma þeim í bollur.

Andarnefjur aftur á Pollinn