Táknrænn dagur

Þetta er allt út pælt hjá Erdogan. Kosningar á páskadag, til höfuðs kristni, er ekkert annað en áróðursbragð og eldur að tundurþráði tunnunnar sem geymist ekki svo ýkja djúpt í kjallaranum hjá draumum Ottómanna.

Það verður fróðlegt að vita hvað gerist í framhaldinu en eitt er víst að DDR-kella mun ekki höndla það, hvorki einsömul né með hjálp.

Erdogan fagnar sigri

Veit Gunnar Bragi af þessu?

Er nú frekar seinþreyttur til en ég get ekki ímyndað mér annað en að Ísland verði síðasta landið til að létta viðskiptabanni á USSR.

Heilabaunin er annað hvort of lítil í mér eða Gunnari Braga.

Viðskiptabanni jafnvel aflétt í sumar

Epli og önnur epli

Þó svo að kaupmáttur í Rússlandi sé á niðurleið þá má ekki loka augunum fyrir því að það hefur þráðbein áhrif á önnur lönd í kring. 

Burt séð frá þessu þá annar markaður fyrir loðnuhæng (sem frystur er frá janúar til mars) nánast allur innan tollabandalagsþjóða Rússlands sem eru Hvíta Rússland og Kazakhstan. Þar blikka eingöngu í besta falli gul ljós varðandi heimild til innflutnings og skilja því Moldavíu og Úkraínu eina eftir sem mögulegan kaupanda. Annað landið eitt það fátækasta í vesturhluta Sovét sálugu og hitt í rúst vegna stríðsástands. Hvorugir munu teljast mjólkurkýr, í þeim skilningi að vera stöðugir og gefa vel og hvað þá rísandi markaðir.

Hinn hluti loðnuvertíðarinnar er hrygna fryst inn á Japansmarkað og í litlum mæli á önnur Asíuríki. Sú vinnsla stendur yfir í um 10 daga og magn útflutt á árinu 2014 nam um 7.000 tonnum í heildina og svo að auki er frysting loðnuhrogna.

Til glöggvunar þá þarf um 100.000.- tonn af loðnu til að framleiða 10.000 tonn af loðnuhrognum. Útflutningur loðnuhrogna hefur gjörbreyst á síðustu 15 árum og þar hefur Rússlandsmarkaður dregið vagninn á löngum köflum. Viðbúið er að verð fyrir loðnuhrogn muni gefa verulega eftir, þar sem engin er samkeppnin og framleiðslan undanfarin ár hefur verið um 2 til 3 fallt meiri en Japansmarkaður þarf til síns brúks. En Japansmarkaður er um 4.000 tonn. Stór hluti þess magns sem þar endar kemur við í öðrum löndum Asíu til vinnslu, s.s. Víetnam og Kína.

Nú skal hver og einn hugsa sitt og velta upp þeirri spurningu hvort það sé eitthvað vit í því að frysta loðnuhæng upp á von og óvon, eða einfaldlega búa til mjöl og lýsi á í besta falli helmingsverði miðað við að frysta sama fiskinn inn á Rússlandsmarkað. Ef valin er sú leið að framleiða mjöl og lýsi er þjóðarbúið að tapa verðmætum fyrir hvern dag sem fjær dregur áramótum vegna minnkandi lýsisinnihalds loðnunnar. Á móti kemur óvissan um magn og söluverð á frystum hæng. 

Í allri umræðu um veiðigjöld og arðsemi útgerðarinnar þá er viðbúið að veiðigjöld þeirra sem veiða og vinna uppsjávarfisk muni dragast verulega saman á árinu. Þetta eru þau gjöld sem staðið hafa undir stórum hluta þeirra undanfarin misseri.

Fyrir útveginn er þetta spurning um fugl í hendi eða skógi og það ætti að vera nákvæmlega sama spurning uppi á meðal þjóðarinnar. Óígrundaðar ákvarðanir sem varðar eru af haldlitlum prinsippum eru lítils virði, hvort heldur til langs eða skamms tíma.

 

Milljarða tap af viðskiptabanni

Sumir eru fallnir á eigin bragði

Maður sér einfaldlega speglana rísa upp og þeir sem vilja gagnrýna hvað hæst sjá sjálfan sig og ekkert annað.

 

 

Mikið eru Bandaríki Norður Ameríku búin að gera langt upp á bak ! Það versta er að búið er að draga hina og þessa á asnaeyrunum að borðinu, nefnum engin nöfn. Stundum er betra að bíða og þegja...

 

 

Rússar ráðast inn í gasorkuver

Kröfur og kvaðir

Það er ekkert nema sjálfsagt að krefja þá sem flytja inn vöru til endursölu um heilnæmisvottorð vörunnar. Ef það er ekki hægt að gera þær mælingar hér heima þá er ekkert sjálfsagðara en að framleiðandi vörunnar sjái til þess að þau vottorð sem þarf fylgi vörunni.

Það er óþarfi að snúa hlutunum á haus og skoða ólögleg efni í vöru eftir á. Framleiðandinn verður að sýna fram á að varan innihaldi ekki ólögleg efni. Ég veit ekki betur en að við sem þjóð höldum úti eftirliti með sjávarafurðum, m.a. með löggjöf og hinsvegar með verkefni sem heitir "Mengunarvöktun á lífríki sjávar" http://www.matis.is/verkefni/nr/2835

Það hlýtur að vera verkefni viðkomandi lands að vakta sína matvælaframleiðslu. Við höfum nú séð hvernig sú framkvæmd hefur verið í EU og vitum jafnframt hvaða kvaðir ESA setur. Miðað við ástandið á þeim bæ, held ég að þeir ættu að einbeita sér að sínu og láta aðra um sitt.

Stefna matvælaöryggi í hættu

Þetta er það sem koma skal!

Eina góða í þessari frétt er að Írarnir fengu að halda sínu sæti í framkvæmdastjórn evrópuráðsins...

Tek ofan fyrir þeim að hafa náð því í gegn að komast svona langt í sinni sérhagsmunagæslu. Hugsa með sjúkum hlátri til þess hvað næst í gegn fyrir okkur hérna heima þegar að því kemur.

Segi ekki meira...

Dregur úr stuðningi við Lissabon-sáttmálann