Þarft framtak

Eins skrítið og það er þá hefur enginn treyst sér í að halda opinni fiskbúð undanfarin ár í Neskaupstað. Fyrir vikið hefur fiskbúðin verið staðsett í frystigeymslu Síldarvinnslunnar og s.s. hægt að finna þar ýmislegt en það er bæði frosið og ekki til sýnis, eða hjá vinum og vandamönnum sem stunda sjómennsku.

Það verður nú ekki aftur tekið af ritsnillingum blaðamennskunnar að hafa skjöld í fjölskyldunni og að eitthvað hafi verið í um 20 síðastliðin ár. Þetta er kjánalegt og þeir sem rita texta fyrir blöð/netmiðla eiga ekki að láta svonalagað liggja frammi eftir sig. 

Fiskbúð opnuð á Norðfirði

Senda "snillingnum" reikninginn

Það er öll vitleysan eins. Reikna með að það verði ekki potta og pönnu réttarhöld yfir svona "snillingi" sem setur sig á háan hest á kostnað íslenskra ríkisborgara. Eins gott að taka 5000% álagningu á kostnað þegar dæmið er gert upp.

Fannst fyrir hreina tilviljun

Réttur ferðamanna

Fyrir mína parta þá er alveg kominn tími á að þeir útlendu ferðamenn sem ætla sér að ferðast um landið utan alfaraleiða og eða með ævintýramennsku að leiðarljósi borgi einfaldlega fyrir "björgunarleiðangra" sem af athæfinu hlýst.

Nú ef engin trygging þá borga þeir úr eigin vasa. Svona aumingjagóðska þekkist hvergi nema á Íslandi þegar kemur að þessum málum. 

Þjóðgarðsvörður kærir kafarann

Bitlingar og stofnanir hins opinbera

Hið opinbera býr til stofnanir hér og þar. Þær fá lögbundið hlutverk eins og kveðið er á um í lögum. Ríkið á að sjá þeim fyrir rekstrarfé og þar með hlýtur það jafnframt að eiga að sjá til þess að viðkomandi stofnun geti sinnt sínu hlutverki.

En svo er nú ekki, flott að setja stofnun hér og aðra þar. Opinber störf um landið eru af hinu góða, ef þau hafa einhvern tilgang annan en þann að skapa störf. Störf hjá hinu opinbera eru nefnilega oft á tíðum ekki sköpuð um nokkuð sérstakt, það verður bara sérstakt þegar starfsmenn berjast fyrir tilverurétti stofnunarinnar og þar með sinnar vinnu.

Í þessu tilfelli, sem um er skrifað, eiga landeigendur viðkomandi túristastaði. Landeigendur eru orðnir þreyttir á aðgerðaleysi stofunnar sem viðkomandi málaflokkur er undir og ákveða að gera þessa hluti sjálfir.

Þá hlýtur að sjálfsögðu að vera eðlilegt að heimta gjald fyrir, enda eiga þeir svæðið, bera ákveðna ábyrgð á því og þurfa að borga sína fjárfestingu.

Hvaða áhyggjur hefur þá þetta fólk sem situr í stofunni? Það getur setið þar áfram, með augljósan tilgang.

Stjórnvöld sjái um gjaldtöku

Steingrímur og blindaaugað

Ekki getur Steingrímur horftst í augu við sjálfan sig, frekar en aðrir blindir. Hann hefur ekkert gert til þess að draga úr atvinnuleysi, ekkert gert til þess að fækka dýrunum á ríkissjötunni, sem hann sjálfur mærir svo mikið og fátt vitlegt kemur út úr stærileikanum.

Hann hefði átt að stæra sig meir af árangrinum...

Stjórninni var hafnað vegna svika og lyga. Svik og lygi eru ekki til þess fallin að stæra sig af. 

 

Væntingar kjósenda óraunhæfar

Vitleysan endalausa

Hvað er með þetta opinbera apparat, getur það ekki hætt að eyða peningunum mínum í vitleysu? Ef húskofi tæmist þá þarf að troða einhverju nýju ríkisreknu bulli inn í hann aftur.

Ég er alveg búinn að fá nóg af þessum fjáraustri ríkissins í óþarfa. Láta mig niðurgreiða skuldir Orkuveitu Reykjavíkur í formi endurgjalds fyrir náttúrumynjasafn, það er eitt, Hörpuna það er annað, happadrættisstofa, "fangelsismynjastofa", hvar ætlar þetta að enda?

Hegningarhúsið verði safn

Blessuð rollan

Ég hef nú aldrei skilið til hvers verið er að rækta alla þessa sinu á láglendi og aka síðan með bústofn og lifibrauð bóndans yfir allt ónotaða grasið á svæði sem á í erfiðleikum með að halda gróðri. Ekki nóg með það eitt, síðan þarf að smala þetta svæði í leit að fáeinum skjátum, í sumum tilfellum með ærnum tilkostnaði.

Auðvitað eru sumar jarðir landlitlar og því þetta fyrirkomulag nánast eina úrræðið fyrir suma til að halda bústofn en fyrr má nú öllu ofgera ef þetta er eina ráðið. 

Ítala á Almenninga verði 130 lambær

Galin löggjöf

Það virðist ekkert geta komið með viti úr stjórnarráðinu þessi misserin. Útgefin hvítbók um náttúruvernd er þar trjábunki sem er að mörguleyti fínt rit en algerlega óhæft til ákvörðunar á lögum.

Í dag er landeigenda óheimilt að hefta för fólks um eigið land.

Í dag má tjalda til einnar nætur, hvar sem er.

Í dag eru allt leyft á meðan það er ekki bannað.

Það sem tekur steininn úr í þessu lagabálka"bulli" er að það á að breyta öllum gróðri í það sem var fyrir tíð kartaflna og káls. Nú er það allt bannað, nema með leyfi.

Þetta fólk á ekki að vera á launum hjá okkur. Það getur tínt fjallagrös í boði fógetans frá Notthingam og tuggið, ef ekki selt.

Skútustaðahreppur telst til óbyggða

Neyðin kennir naktri konu að spinna...

Það verður að segjast að ekki er öll vitleysan eins. Hvernig er hægt að fá það út að það borgi sig að setja upp rafveitu með tilheyrandi dreifikerfi og horfa síðan á núverandi staura og línur með rafeindum, bíða eftir því að það verði notað?

Getur verið að Landsnet og Landsvirkjun séu komin á hálan ís? Er þetta það sem ýtir undir atvinnusköpun, að þurfa að nálgast sjálfur raforku til heimabrúks, vegna "vafasamra" forsenda orku- og dreifingarfyrirtækja?

Í dag kynda margir hverjir í Danaveldi á sama hátt og gert var fyrir aldamótin 18 - 1900. Þeir meira að segja gengu svo langt að þegar séð var fram á að allur almúginn fór að setja sólarsellur á þakið hjá sér vegna okurreikninga, þá hækkuðu þeir álögur á þann búnað þannig að það borgaði sig ekki lengur.

Rugl núverandi raforkulaga og hugmyndafræðin á bakvið það að selja orku úr landi með sæstreng, er fatal. Þeir sem vinna að slíku eru ekki að hugsa um hag þjóðarinnar, það er alveg kristaltært í mínum huga.

Garðyrkjubændur stofna rafveitu

Frá haga í maga

Fátt kemur mér á óvart þegar kemur að dýralæknaeftirliti EU. Víðtæk eru sú skoðun að þar sé mest og best skoðað hjá öðrum en heimalingum, enda eru allir aðrir undir grun en heimafólkið.

Ef þessi pistill er réttur þá gerir hann ekkert annað en að staðfesta þá skoðun mína og annara að eftilitsiðnaðurinn er í besta falli á villigötum.

Fræg orð Guðna fv. Ráðherra eru það fyrsta sem koma upp í kollinn við lestur þessa pistils og hefur matvælaeftirlit m.a. tekið þennan frasa upp á sína arma, með góðum árangri...

Deilt um hrossið