Kominn tími til

Ég get alveg skilið þau sjónarmið að það eigi að halda ákveðnum dögum "heilögum" en ef horft er til framleiðeiðni vinnuafls og hagræðingar í mannahaldi þá er þetta ekki spurning. Veit fátt vitlausara en að frídagar séu á þriðjudögum til og með fimmtudags. Þetta gerir ekkert annað en að eyðileggja vinnuvikuna, bæði fyrir launþegum og atvinnurekendum.

Löngu tímabært að þetta verði lagað að því sem er í nágrannalöndum okkar.

Hátíðisdagar færðir að helgum

Athugasemdir

[Kristinn Rósantsson (IP-tala skráð) 6.11.2012 kl. 08:06]

Í Svíþjóð er til fyrirbæri sem heitir " KLEMMDAGUR "

Það er þegar mánudagur eða föstudagur klemmist á milli helgar og frídags. Þar sem það er mögulegt á að leyfa fólki að vinna klemmdaginn af sér, og sá þar með lengri helgi.

[Anna Dóra Gunnarsdóttir, 6.11.2012 kl. 09:09]

Klemmdag er mun gáfulegri leið en sú að færa frídaga til.

[Pési (IP-tala skráð) 6.11.2012 kl. 09:25]

Mikilvægara en að færa til frídaga, sem falla á helgar, væri skemmtilegra fyrir hina stritandi alþýðu að fá fleiri frídaga, helzt að hausti til, þar sem helgidagar eru nær engir miðað við vorin. Þar að auki ætti að koma á fót frídegi í lok maí (eða byrjun júní), sem yrði kallaður sumardagurinn annar. Sumardagurinn fyrsti er auðvitað rangnefni, því að í apríl er ennþá vetur á Íslandi.

Auk þess er nauðsynlegt að afhelga helgidagana, þannig að leyft verði að hafa verzlanir (og önnur þjónustufyrirtæki)  opnar á föstudaginn langa, páskadag og jóladag, auk þess eiga strætisvagnar að keyra á þessum dögum eins og tíðkaðist áður. Það er mjög bagalegt að bíllaust fólk geti ekki komizt leiðar sinnar einungis vegna þess að einhver forréttindatrúarhópur stjórnar enn löggjafarvaldinu með harðri hendi.

[Anna Dóra Gunnarsdóttir, 9.11.2012 kl. 00:18]

Pési, ég held að málið sé ekki alveg svona einfalt. Mín vegna mætti afhelga nokkra daga, svona trúarlega séð, en þá verða líka frídagarnir færri. Það væri slæmt til þess hugsa að verslunarfólk og svo margir fleiri ofkeyrðu sig enn frekar vegna slíkra breytinga. Sjálfa langar mig ekkert til að glata góðum frídögum, þannig að ég þakka forsjóninni fyrir helgislepjuna.