Verja hvað?

Mér finnst þessi málatilbúningur varðandi þenna gjaldeyrisvaraðsjóð fáránlegur og ég skal útskýra af hverju.

Þegar gjaldeyrishöftum verður aflétt mæta hákarlarnir og gera áhlaup á krónuna, af hverju? Það liggur í augum uppi, að mínu viti. Land sem er á hnjánum ef ekki á maganum og á digrann gjaldeyrisvarasjóð, að láni athugið, ekki eign, er bráð. Það eina sem Seðlabankinn gæti gert, ef halda á krónunni á einhverjum stað er að kaupa krónur með sama gjaldeyrislánaforðasjóðnum. Um það er varla deilt eftir atganginn síðustu 30 mánuðina eða svo.

Ef áhlaupið lukkast þá þarf Seðlabankinn að verða sér úti um meiri lán fyrir auknum gjaldeyrisforða, hver eru lánskjörin þá, betri eða lakari? Og hvað næst?

Væri ekki viturlegra að fleyta álkrónunni og láta hlauparana hlaupa sig móða, með því að láta krónuna falla í fangið á þeim? Þó að það myndi þýða að við hefðum það lítið eitt skítlegra um tíma.

Það gæti borgað sig til lengri tíma litið að senda skilaboð sem þessi á valda staði.

Er alveg sammála greinarhöfundum í þessu máli og gott betur því að ég tel að það sé meiri hætta en minni að glata þessum peningum í "gambli" en að þeir verði til gagns.

Of mikið gert úr gjaldeyrisvarasjóði

Athugasemdir

[Gísli Ingvarsson, 8.8.2009 kl. 22:08]

ég þér í aðalatriðum sammála. best hefði verið að sleppa alveg gjaldeyrishöftunum á sínum tíma. líklega er langtímaplanið að reyna að fá Aðalbanka Evrópu til að styðja við krónuna. Hvort það sé raunhæft get ég ekki sagt neitt um. Mundi það vera ókeypis þjónusta?

[Sindri Karl Sigurðsson, 9.8.2009 kl. 02:02]

Nei , það yrði aldrei ókeypis, frekar en annað í þessum heimi. Og mjög trúlega væri Seðlabanki Evrópu lítið að skipta sér að nema að um annað yrði samið, sem ég sé reyndar ekki af hverju ætti að gerast.

Já höftin eru tilgangslaus og þau rök að fall krónunar yrði annað og meira standast varla skoðun í dag þar sem að "tilbúna gengið" nálgast sífellt "aflandsmarkað" með krónur.

Mér sem leikmanni finnst fátt í þessari haftastefnu vera bót á ástandinu, eingöngu framlenging í snörunni.

[Sigurjón, 9.8.2009 kl. 05:21]

Ekki frá því að vera sammála Sindra...