Réttur ferðamanna

Fyrir mína parta þá er alveg kominn tími á að þeir útlendu ferðamenn sem ætla sér að ferðast um landið utan alfaraleiða og eða með ævintýramennsku að leiðarljósi borgi einfaldlega fyrir "björgunarleiðangra" sem af athæfinu hlýst.

Nú ef engin trygging þá borga þeir úr eigin vasa. Svona aumingjagóðska þekkist hvergi nema á Íslandi þegar kemur að þessum málum. 

Þjóðgarðsvörður kærir kafarann

Athugasemdir

[Ómar (IP-tala skráð) 26.5.2013 kl. 17:03]

Það er nú ekki mikið upp úr kafara að hafa, ef eitthvað fer úrskeiðis.

[Ómar (IP-tala skráð) 26.5.2013 kl. 17:07]

Þetta er samt rétt hjá þér, ókeypis björgun á ekki að vera ástæða til að kæra allt og alla og þekja allt landið með boð og bannmerkingum.

[Sindri Karl Sigurðsson, 26.5.2013 kl. 17:21]

Auðvitað er það ekki gáfulegt að banna allt, nema það sem er leyft, líkt og fyrrverandi umhverfisráðherra réri að með sínum fúasprekum. Aftur á móti eru þeir sem bjarga þessum ferðamönnum í fyrsta lagi í sjálfboðavinnu og í öðru lagi þurfa þeir að betla fyrir öllum rekstarkostnaði. Ekki hjá ríkinu nei nei, hjá okkur hinum.

Hver er t.a.m. ábyrgð vegagerðarinnar varðandi fjallvegi, t.d. leiðin Seyðisfjörður - Hérað. Merkt opin en samt eru björgunarsveitarmenn allan sólarhringinn að koma fólki yfir heiðina.

Gáfulegt? Eðlilegt? Hver á að borga?

[Guðlaugur (IP-tala skráð) 26.5.2013 kl. 18:06]

Kominn tími til að kæra þá sem ekki fara eftir settum reglum á ferðamannastöðum. Í mínum huga er þetta mjög einfalt þarna er ekki farið eftir reglum sem eru áberandi á staðnum, þá á hiklaust að kæra og láta viðkomandi borga útlagðan kostnað sem hlaust af glannaskap viðkomandi aðila, helst sekt að auki öðrum til varnaðar.Gs

[Óskar (IP-tala skráð) 26.5.2013 kl. 18:18]

Það er auðvelt að setja reglur, allir geta sett reglur og neglt upp skilti. En þegar reglurnar hafa engan stuðning í lögum og eru bara geðþóttaákvörðun þá er engin ástæða til að taka eitthvað mark á þeim.

[Anna (IP-tala skráð) 26.5.2013 kl. 18:39]

Til hvers eru lög og regla?

[Tryggvi Helgason, 26.5.2013 kl. 19:19]

Er ekki einfaldast að loka alveg fyrir þessa gjótu, ... og málið er leyst !

[Sindri Karl Sigurðsson, 26.5.2013 kl. 19:38]

Nei það hefur nákvæmlega engan tilgang að loka fyrir eðlilega útivist og ævintýraþrá fólks. Það er í orðanna hljóðann tómt kjaftæði.

Aftur á móti er sjálfsagt mál að fólk borgi fyrir sína ævintýraþrá ef í harðbakkann slær.

Við erum einfaldlega alveg í súrkáli þegar kemur að því að setja skorður gagnvart þessum hlutum. Er eitthvað eðlilegt að vegagerðin sé t.a.m. meir og minna hætt að aðstoða fólk í vanda á vegum í illfærð og bendi á sjálfboðaliða eins og björgunarsveitirnar ?

[Guðlaugur (IP-tala skráð) 26.5.2013 kl. 20:35]

Það er gaman að sjá skrefin hér mjög athyglisverð sum þeirra. Mig langar að minna á slys, af fullkomnu gáleysi, sem varð þegar bifreið með ferðamenn ók ofan í Blautalón nærri Landmannalaugum fyrir um tveimur árum. Því miður sá ég bíl frá sömu aðilum árið eftir, að því er virðist engir eftir málar fyrir þann aðila. Sá gat haldið uppteknum hætti að aka hér um hálendið vegfarendum til mikilla ama. Engar skorður settar gagnvart þessari ferðaskrifstofu. Engin sekt fyrir utanvega akstur, ekkert. Fengjum við að haga okkur svona hjá öðrum þjóðum mér er það til efs. Eru skorður settar við köfun eða aðrar athafnir einstaklinga á svæðum sem lúta reglum UNESCO heritage, t.d í Noregi. Það væri forvitnilegt að skoða það. Það er engin ástæða til að banna alla hluti en það þurfa að vera lög og reglur og þeim verður að vera hægt að fram fylgja. Segi aftur gott hjá þjóðgarðsverði að kæra. N.b það kemur hans fyrri störfum á vegum framsóknarflokks ekkert við.nkl ekkert. Gs

[Sindri Karl Sigurðsson, 26.5.2013 kl. 21:44]

Nei þetta kemur persónunni ekkert við, ótrúlegt að þurfa alltaf að ráðast á manninn, þó hann sé með boltann. Þó svo ég bauni aðeins á vegagerðina, þá hefur hún nú bara gott af því að hugsa sinn gang og velta fyrir sér hvaða ábyrgð hún hefur.

Auðvitað eiga menn ekki að missa sinn bissness þó þeir geri eitthvað í ógáti, þeir eiga einfaldlega að vera tryggðir og borga fyrir ógátið. Fara örugglega gætilegar næst.

[Hallgeir Ellýjarson, 27.5.2013 kl. 03:09]

Túristar borga hér skatta og fá nánast enga opinbera þjónustu á dvöl sinni. Er samfélagslegi ávinningurinn ekki nóg?

Af hverju eigum við ekki að rukka Íslendinga sem fara í jöklaferðir um tryggingagjald? Ég efast um að þeir kaupi margfalt meira af flugeldum en við hin.

[Sindri Karl Sigurðsson, 27.5.2013 kl. 08:15]

Á meðan ferðaþjónustan er ekki sjálfbær þá er um tómt mál að tala að setja aukið opinbert fjármagn í málaflokkinn. Það má síðan alveg velta þeirri spurningu upp hvort landsmenn sem eru á ferð og flugi um fjöll og fyrnindi þurfi að tryggja sig sérstaklega. Ég er ekki alveg að sjá hvar ætti að draga mörkin þar á milli, er til einhversskonar eðlileg útivist og "kraft" útivist?.

Mér finnst eðlilegast að greiða gjald fyrir aðgang að stöðum þar sem áníðsla er mikil og stýra þarf umgangi. Þetta á sérstaklega við staði þar sem einfallt er að koma því í kring, s.s. í Silfru, Kerinu og öðrum afmörkuðum perlum. Þá greiðir sá sem nýtur án þess að það komi niður á hinum sem kjósa annað.

[Jón (IP-tala skráð) 28.5.2013 kl. 05:27]

Ekki rétt. Ömurleg hugmynd og ef allir hugsuðu svona myndi enginn nenna að heimsækja svona leiðinlegt rasistaland sem tekur svona illa á móti gestum. Enginn myndi vilja styrkja svoleiðis ógeð. Hvað vildir þú að gerðist ef systir þín slasaði sig upp á fjöllum einhvers staðar? Eða pabbi þinn týndist í einhverjum skógi? Bara að yfirvöld í landinu sem þau hefðu ferðast til segðu "Fuck it! Fucking útlendingar! Látum þetta pakk redda sér sjálf!" Ef þú vildir þannig framkomu, tala nú ekki um þegar búið væri að stela kreditkortinu og allt það líka, þá endilega stattu við orð þín. Eins ef þú vildir gjarnan að frumstæður ættflokkur í Amazon kæmi móður þinni þar til bjargar ef hún væri nær eiturslöngu að bana. Gott fólk hjálpar öðrum! Aðrir eru pakk sem á ekkert gott skilið.

[Sindri Karl Sigurðsson, 29.5.2013 kl. 22:59]

Taktu þín skrif eitthvert annað Jón ef þú getur ekki staðið undir nafni. Eyði ekki svörum á skítkast.