Skemmtinefndin

Hef nú ekki skipt mér af þegar verið er að leyfa hin og þessi nöfn, eða ónöfn, sem hægt er að beygja í öllum föllum skv. hinu allra heilaga kveri mannanafnanefndar.

Þetta finnst mér aumt. Að hundgamalt íslenskt nafn sem er virðulegt og hefur skírskotun í Snorra Eddu, ef það er ekki of langt síðan ég las þá góðu bók til að sleppa án tilvitnunar, skuli vera bannað á Íslandi.

Skora á þessa nefnd að endurskoða fyrri niðurstöðu.

Hávarr ekki á mannanafnaskrá

Athugasemdir

[Halldór (IP-tala skráð) 22.1.2010 kl. 01:52]

Lastu ekki fréttina? Það má alveg heita Hávar en það var ekki leyft að skrifa það á einhvern hjákátlegan hátt sem tíðkaðist fyrir milljón árum en engum hefur dottið í hug að nota nýlega.

Það er bara hrokafullt að vilja hafa óhefðbundinn rithátt til að einhvernvegin standa útúr þvögunni. Nafnið er ekkert minna virðulegt ef það er skrifað á hefðbundinn hátt.

[Sindri Karl Sigurðsson, 22.1.2010 kl. 21:23]

Að sjálfsögðu er hluti af málinu að fá að skrifa nafnið sitt eins og það er. Eitt err eða ekki, það er ekkert hrokafullt við það.

Þessi nöfn eru leyfð: Hnikarr, Heiðarr, Sævarr og Ísarr

En að leyfa nöfn eins og Spói, Keran, Mikkel (sem með sömu rökum mætti segja að leyft væri að heita Nikkel), eru ekki mannanöfn.

Það er ruglið, ekki hvort eitt eða tvö err eru notuð í eignarfalli.