Þvílíkt bull

Með fullri virðingu þá stendur þessi pistill hjá greinarhöfundi á haus!! Fyrriparturinn er það sem almannavaldið á að sjá um, hitt er eyrnamerkt nú þegar í skattheimtunni, t.a.m. vegafé. Ef þetta er rétt eftir haft, þá er Ögmundur kominn í sama gírinn og hann hefur verið í síðan ég man eftir, með fáum undantekninga skiptingum, síðast í bakkgír í sumar. Nema að það hafi verið öfugt.

Ég get ekki séð annað en að Ögmundur ætli sér að þjóðnýta lífeyrinn minn, til að komast hjá því að taka leiðinlegar ákvarðanir. Ákvarðanir eru nefnilega annað hvort leiðinlegar eða skemmtilegar. Erfiðar ákvarðanir eru ekki til nema hjá þeim sem eru fullir ótta við að taka þær.

Sök sér að byggja brú eða göng, það sparar þó og bætir til framtíðar og komandi kynslóðir koma til með að njóta þeirra verka.

Ég væri til í að lána þér þessa peninga, Ögmundur, ef ég fæ kvittað upp á að það komi samsvarandi skattalækkun á móti. Annars þarftu að ræna mig og ég tek ekki vel á móti slíku hyski.

Lífeyrissjóðir láni í velferð

Athugasemdir

[Jakob Þór Haraldsson (IP-tala skráð) 21.10.2009 kl. 14:44]

Hjartanlega sammála þér "algjör steypa þessi hugmynd..!"

kv. Heilbrigð skynsemi (fun.blog.is)

[Gulli (IP-tala skráð) 21.10.2009 kl. 14:53]

Ég tel víst að lífeyrissjóðirnir verði þjóðnýttir. 

Það er bara spurning hvort aurnum verður brennt á þennan hátt, eða hvort aurinn verður notaður í atvinnuuppbyggingu og niðurgreiðslu skulda...