Hvaða hagsmuni sér EB í inngöngu Íslands?

Hefur enginn vellt þeirri spurningu upp, að hagsmunir ESB gætu verið meiri en Íslendinga varðandi inngöngu okkar í bandalagið? Er tilfellið að það sjá leik á borði til að sælast til áhrifa í N-Atlantshafi og nýti sér í því sambandi það ástand sem er hjá okkur?

Ef fólk heldur að sambandið sé að bjarga einhverju hjá okkur og fyrir okkur þá held ég að vonbrigðin verði mikil þegar upp er staðið. Er ekki tilfellið að krumlur ESB séu komnar á gas- og olíulindir Breta? Hvernig væri að kanna það mál aðeins og setja það í samhengi við okkar stöðu?

 

Aðild á 2-3 árum?

Athugasemdir

[Björn G. Jónasson (IP-tala skráð) 14.1.2009 kl. 08:45]

Já, hvaða "óeðlilegi" mikli áhuga er það að fá okkur inn í ESB?  Hvaða voða liggur mönnunum á að fá okkur inn í ESB?  Hvað hangir eiginlega á spýtunni?Hvað vilja þeir fá hjá okkur sem þeim bráðvantar svo? 

Ég verð að segja að mér finnst þessi áhugi þeirra ESB-manna í hæsta máti óeðlilegur og svo ég ekki þetta sem neina traustsyfirlýsingu við okkur.  Við erum með allt niður um okkur í efnahagsmálum og erum í vonlausri samningsaðstöðu við ESB.  Er það kannski þess vegna sem þeir vilja fá okkur inn svona fljótt?  Ég get heldur ekki séð að ESB séu nein "góðgerðarsamtök" eftir meðferðina sem við fengum vegna IceSave netsvindlsins.

[Jón Hrafn (IP-tala skráð) 14.1.2009 kl. 08:53]

Við erum í EES, sem þýðir að við tökum þátt í öllu batteríinu nema auðlindastjórnuninni, sameiginlegu utanríkisstefnunni og samvinnu í lögreglumálum. Að ganga í ESB þýðir ekki að auðlindir séu teknar af okkur, heldur að yfirstjórn þeirra færist til ESB. Þetta þýðir í stuttu máli að ef við ákveðum það að hætta gefa út kvóta á þorsk og reynum að veiða hann til dauða myndi ESB, ef við værum innan þess, setja ákvæði sem vernda ættu stofninn. Algerlega óskylt því að ESB sé að hrifsa til sín eitthvað. Ég held að öfl innan ESB vilji fá okkur inn mestvegnis vegna reynslu okkar í fiskveiðimálum og að ekki myndi langur tími líða fyrr en Íslendingar væru stefnumótandi þar á bæ.

[Auðbjörg (IP-tala skráð) 14.1.2009 kl. 09:31]

Sáið þið greinina um auðlindir Breta og Hollendinga, gas og  olíu? Núna á að fara að nota þær til að þjónusta hagsmunum ESB algjörlega í andstæðu við Bretana og Hollendingana.

 Af hverju liggur þeim á að Ísland gangi inn, þetta er auðveld spurning. Við erum mjög rík af auðlindum, fiskurinn okkar, vatnið okkar, öll orka (hvort sem það er vegna virkjana eða jarðhita) og e.t.v. þá erum við líka með olíu.

Þetta er auðvelt, við erum algjör gullnáma fyrir ESB. Þeir geta virkjað allar árnar okkar án þess að við höfum nokkuð að segja um það, þeir geta notað alla olíuna (ef hún er til staðar) án þess að við höfum nokkuð að segja um það. Þeir geta ekki ennþá gert þetta með fiskinn en stefnan er að breyta öllu fiskveiðikerfinu 2012 og þá er ekkert mál að lauma inn ákvæði, líkt og Hollendingar og Bretar eru að upplifa nú, um það að þeir megi koma og taka fiskinn okkar ef það þjónar hagsmunum ESB.

Þetta er ekki erfitt

[Einar Solheim, 14.1.2009 kl. 09:34]

Hugmyndafræðin á bakvið ESB er að saman séu löndin sterk og gott mótvægisafl við USA og Kína, á meðan sundurleit eru áhrif hvers lands takmörkuð. ESB hefur því lagt áherslu á að geta talað fyrir alla Evrópu. ESB hefur sýnt öllum löndum áhuga, við skulum ekki halda að við séum eitthvað sérstök hvað það varðar. En sem betur fer erum við velkomin í þennan félagsskap. Ef menn nota það sem rök fyrir andstöðu gegn ESB að þeir skuli vilja fá okkur þá eru menn eitthvað brenglaðir. ESB vilja vera vinir okkar, en við segjum þá - fyrst þú vilt vera vinur minn, þá vill ég ekki vera vinur þinn...

ESB bjargar okkur ekki. Við íslendingar þurfum að gera okkar besta til að bjarga okkur. ESB setur okkur bara í betri aðstöðu til að geta bjargað okkur. Aðild skapar traust út á við og við ættum að geta fengið nothæfan gjaldmiðil í kjölfarið. Þetta er sá grunnur sem við þurfum til að byggja á, en þrátt fyrir að ég sé gífurlegur stuðningsmaður þess að við göngum í ESB þá dettur mér ekki í hug að ESB aðild bjargi okkur.

[Einar Solheim, 14.1.2009 kl. 09:45]

Auðbjörg,

ef þú myndir eitthvað aðeins nenna að setja þig inn í málið áður en þú dælir út þessari vitleysu, þá myndir þú vita að aðilar innan ESB gætu í dag komið til íslands, keypt upp jarðir eins og þeim lystir og virkjað eins mikið og íslenskir aðilar hefðu fengið heimildir til að gera.

Varðandi olíu og gas, þá er það eiginlega bara skiljanlegt að ESB sækji í birgðir sinna aðildarþjóða þegar neyðarástand er að skapast innan sambandsins. Auðvitað er þá líka greitt fyrir þessar birgðir og framleiðslu. Þessi frétt um olíuauðlindir Bretlands og Hollands var mjög villandi og í raun var ekkert óeðlilegt á ferðinni. Ef við værum olíuframleiðsluþjóð og það vantaði gas til að bjarga samborgurum okkar innan ESB frá því að frjósa, þá myndi ég kjósa að okkar framleiðsla yrði frekar seld þangað en t.d. til spákaupmanna sem myndu vilja hagnast á ástandinu.

Það er einmitt öryggi að vera hluti af þessum stóra markaði sem getur séð um sig og sína þar sem samanlagðar auðlindir geta tryggt lífsgæði í álfunni

[eikifr (IP-tala skráð) 14.1.2009 kl. 12:12]

Ég spyr frekar á móti: hvaða hagsmuni sjáum við í að ganga í EU aðra en stöðugan gjaldmiðil?  Það eina sem ég vil sjá er að við breytum um gjaldmiðil til að tryggja minni sveiflur í efnahagsmálum okkar sem og öruggari viðskipti erlendis.  Ég sé engan hag í því að vera að ganga í EU bara til að skipta um gjaldmiðil þegar við erum í raun bara að leita að stöðugleikanum.  

[Historiker, 14.1.2009 kl. 12:23]

ESB snýst ekki einungis um kalda "hagsmuni." ESB er líka hugsjón - hugmyndin um sameinaða Evrópu. Þess vegna hefur ESB áhuga á Íslandi, sem og öllum öðrum Evrópuríkjum sem uppfylla viss skilyrði um sam-evrópskar hugmyndir varðandi mannréttindi o.fl.

[Gunnlaugur Ingvarsson (IP-tala skráð) 14.1.2009 kl. 23:51]

Jón Hrafn, "Dream on"

Sjávarútvegsstefna ESB er öll í kaldakoli. Sjómenn og útfgerðarmenn alls staðar brjálaðir útí bullið og skriiffinna reglurnar og allir sjá sóunina. Þess vegna sannmælast allir að fara á bak við kerfið eins og þeir mögulega geta, vegna þess að þeir sem vinna undir vitleysunni hafa enga trú á stjórnunar fýklunum í Brussel.

Okkar kerfi er að mörgu leyti mein gallað en þó þúsund sinnum betra en þeirra gjörspillta kerfi.

Þið skuluð ekki láta ykkur detta það í hug að við 0,0035% af íbúum þessa risa bandalags getum breytt einhverju í þessu steinrunna spillingarkerfi.

Þarna eru þjóðir eins og Spánverjar og Portúgalir sem eru með miklu meiri fiskveiðar en við og munu áfram ráða þar miklu meiru heldur en við fáum nokkurn tíman.

Skriffinnar þeir í bandalagi við aðra skriffinna munu horfa girndaraugum hingað upp til íslandsmiða ef við verðum svo vitlausir að ganga þessu bandalagi DAUÐANS á hönd ! ! 

[Einar Solheim, 16.1.2009 kl. 10:35]

eikifr:

Svo ég vitni nú í Karl August Fritz Schiller (1911 - 1994):

"Stöðugur gjaldmiðill er vissulega ekki allt, en án stöðugs gjaldmiðils er allt annað einskis virði."

Það er ótrúlega mikið til í þessu... og því miður eru allt of margir sem gera sér ekki grein fyrir þessu.