Merkileg fyrirsögn

Eru öll skíðasvæði landsins lokuð vegna veðurs í Bláfjöllum og Skálafelli? Annað þessara bjó lengi vel yfir meti í mesta mælda vindhraða á landinu, sannkallað vindrassgat. Burt séð frá því þá er rjóma blíða og opið á öðrum skíðastöðum landsins. Nærtækast fyrir mig er að benda á Oddsskarð.

Fréttamenn komast ekki lengra en í sinn glugga og híma þar.

Skíðasvæði lokuð vegna veðurs

Verkefni og lausnir

Þetta snýst um það að leysa verkefnin. Veit það fyrir víst að hluti af þessari lausn snýr að eldsneytisverði, það kostar að fara með eldsneyti út á land og það er ekki neitt sem heitir verðjöfnunarsjóður þegar kemur að flugvélaeldsneyti.

Ef það er lagfært, þá er hluti í höfn.

Hitt málið er að flugvellirnir sem geta tekið á móti vélum með þessum farþegafjölda og tilheyrandi tollaeftirliti eru með vannærða innviði og ráða ekki við aukið áreiti, nema með tilheyrandi ákvarðanatöku og eftirfylgni.

Afslátturinn sem um er rætt í greininni, er hjal eitt. Það er mun ódýrara að fljúga frá Evrópu til Egilsstaða en Keflavíkur, í flugtímum og eldsneyti talið. Gulrótina sem þarf, ætti þ.a.l. að felast í því að heimfæra eldsneyti og lendingargjöld til samræmis við það sem gerist í Keflavík.

 

Verða að sjá sér hag í að fljúga norður

Merkileg frétt ef rétt reynist

Inntak Gríms er sett þannig upp að erfitt er að skilja pistilinn öðruvísi en að hann vilji eingöngu fá ferðamenn til sín sem fljúga ekki með lággjaldaflugfélagi. Það er eins og hann vilji eingöngu að hinn betur borgandi markhópur skili sér til hans. Er hann virkilega að meina að ferðalangar lággjaldaflugfélaganna séu að flækjast fyrir og hann telji að betra sé að losna við þá annað?

Ekki það að nær væri að eyða nokkrum milljörðum í hvorn flugvöll, Egilsstaði og Akureyri/Húsavík og nýta þá fjárfestingu sem þar er betur í stað þess að eyða tugum milljarða til viðbótar í sprungnar samgöngur í Keflavík.

Hugmyndin meikar alveg sans en framsetningin gerir það alls ekki.

 

Lággjaldafélögum beint til Akureyrar

Frábært !

Ég veit eiginlega ekki hverju er hægt að bæta við fyrirsögnina. Kannski má impra á því að ég hef fylgst með henni síðustu 7 ár eða svo og hún er með þetta. Frábær árangur og áfram svo!!

Aníta er einstakur íþróttamaður

Kerfið etur börnin sín

Í hvaða vegferð eru þeir sem eiga að sjá um og sýsla með menntamál á Íslandi? Hvernig stendur á því að sett eru lög og reglugerðir um starfsemi skóla og þær einfaldlega sniðnar að einhverju allt öðru en neytandanum?

Vinnutíma kennara, viðverutíma kennara, endurmenntun kennara...

Það er verið að rembast við að stytta skólagöngu og gera hana líka því sem er í nágrannalöndunum og hvað? Ekki standa nemendur í vegi fyrir því er það? Foreldrar? Sveitastjórnarmenn? Hverjir eru eftir?

Týpískt að kerfið geti sí svona fært til samræmd próf á milli skólastiga, lokað fyrir niðurstöður prófa þegar hentar, sbr. Pisa og ég veit eiginlega ekki hvar þetta bull endar allt saman.

Einar er alveg með púlsinn á þessu. 

Prófin fyrir kerfið ekki nemendur