Íslenskan enn og aftur

Mér finnst þetta ekki sæma hinu ylhýra máli.

 http://www.mbl.is/frettir/innlent/2012/12/01/thyrfti_jafnvel_fjora_flokka/

"Fengju samanlagt 45,8% fylgi

Ef miðað er við þjóðarpúls Capacent Gallup nú fengju Samfylkingin, VG og Framsóknarflokkurinn þannig samanlagt 45,8% fylgi ef vilji væri fyrir því að mynda slíka ríkisstjórn án þátttöku Sjálfstæðisflokksins. Slík ríkisstjórn gæti þó hugsanlega fengið meirihluta á þingi ef nógu mörg atkvæði dyttu dauð niður vegna þess að minni framboð næðu ekki 5% lágmarkinu og því enga þingmenn.

Hins vegar gæti slík ríkisstjórn haft mjög nauman meirihluta og verið þannig bæði mjög brothætt samstarf í ljósi þess sem og fjölda flokka svo ekki sé minnst á mögulegan málefnaágreining. "

Auðvitað eru þetta hártoganir en af hverju er ekki "gæti" í síðari greinaskilinunum skipt út fyrir söginini að muna, þannig að í orðanna hljóðann yrði þetta þannig: "Hins vegar myndi slík ríkisstjórn ..."

Það er búið að tala um möguleikana í fyrri greinaskilunum, restin hlýtur að vera tengd aðalatriðum og þarfnast vart tvítalniningar.

Þyrfti jafnvel fjóra flokka

Athugasemdir

[Þorgils Hlynur Þorbergsson (IP-tala skráð) 2.12.2012 kl. 10:10]

Rétt athugað, Sindri Karl. Hins vegar heitir sögnin að munu í nafnhætti. Sögnin að muna beygist öðruvísi og hefur aðra merkingu, eins og við vitum. Kær kveðja, Þorgils Hlynur.

[Sindri Karl Sigurðsson, 2.12.2012 kl. 11:39]

Þakka ábendinguna Þorgils. Það væri betur ef sá sem á textann tæki þetta til sín, svo að viðvaningur eins og ég sé ekki að fetta fingur út í smáatriðin og kominn á hálan ís.